ميرنا وليد - بيروت - وجهت منى أحمد زاهر رسالة موثرة لشقيقتها الكبرى ليلى بعد احتفالها بزفافها على الفنان هشام جمال.

ونشرت منى منشور عبر صفحتها الرسمية على موقع التواصل الإجتماعي، كتبت فيه: "يااه يا ليلى.. فرحك مش يوم عادي خالص.. ده يوم فرحك يا أختي الكبيرة، كنتي دايماً سندي وضهري وصاحبتي وعيلتي كلها، مش مصدقة إنك بقيتي عروسة، جميلة وعينيكي مليانة سعادة".
وأضافت: "طول عمرك مش مجرد أخت.. إنتي أمي التانية، وبنتي اللي بخاف عليها.. ضحكنا كتير، وزعلنا أكتر، بس في الآخر.. الحب اللي بينا عمره كبير أوي".
وتابعت: ""وإنت داخلة على حياة جديدة، أنا حاسة بمليون حاجة جوايا.. فخورة، وزعلانة، وفرحانة، بدعيلك من قلبي ربنا يرزقك بالسعادة اللي بتشبهيها، لأنك فعلاً تستاهلي كل حاجة حلوة".
وأعربت منى عن دعمها لشقيقتها قائلة: "الرحلة بدأت يا ليلى، بس أنا هنا، على طول، في ضهرك، في فرحك، في تعبك، في كل لحظة.. أختك اللي بتحبك فوق الخيال".
وختمت رسالتها قائلة: "يارب حياتك تكون مليانة سعادة وحب ومغامرة، ألف مبروك يا أجمل عروسة.. إنتي فرحة القلب".